San Francisco :)

Sonndig, 30.8

Eisen lesten vollen Daach zu San Francisco.
Mir fänken un, d’Valisen an- an emzepaaken. Schliesslich soll d’Gewiicht bessen verdeelt sen!
Da gin mir bäi Denny’s Kaffi drenken, well deen Schluudchen hei am Hotel, an deen Stress wou honnert Leit sech mateneen op en Toaster stierzen, eis neischt mie seet.
Durno gin mir nach bessen em de Block, bessen shoppen, an lo as eng kleng Paus am Hotel.
Gläich gin mir an den Wax-Museum, an nach emol de Fisherman’s Wharf rop a roof, eppes eessen, eppes drenken, tje, d’Saach lues ausklengen lossen.
Dest wert och wuel vun hei aus den lesten Update am Blog sen, mär geet et an de Flieger. En klengen Rapport dovun kent dann vun doheem aus! ☺b.,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

Samsdig, 29.8

De Moien nom Kaffi gi mir zu Fouss vum Hotel bäi d’Lombard-Street. D.h. fir de lesten géihen Stouss, di zwou lest géi Querstroossen rop, huelen mir d’Cable Car . Et as richt 11 Auer, awer schon nees deck waarm.
Deen géien, schlaangeförmigen Deel vun der Lombard-Street as absolutt kuckeswert. Schon leng wie d’Autoen do „schlängelen“ musse an witzisch, mee och di schéin Haiser, et as bestemmt net di belligsten Géigend, an di schéin ugeluechten Virgärt muss een gesinn hun.
Durno huelen mir en Bus, a fuhren bis bäi d’Golden Gate Bridge. Déi gin mir zu Fouss riwer. A well do ausser denen Hop-On Hop-off Busser keen öffentlichen Transport vun do aus fiert, gin mir och nees zu Fouss zreck. U sech as daat keng Affair, et brauch een ongeféier 35 Min fir vun der enger Säit op di aner. Meeeeee et as zimmlich leftig do!!! Kaapen huet een besser an d’Täsch ze steechen.
Et war zwar neischt ze waarm op der Breck, mee well d’Sonn geschengt huet, haaten mir d’Nuesen zimmlich gesengt durno ☺.
Durno sen mir nach bessen durch d’Gechäfter getreppelt, eppes eessen, a groggy an d’Bett.

Freideg, 28.8

Fir de Moien 9 Auer hu mir Ticket’en fir op Alcatraz. Nemme gutt datt mir déi vun doheem aus schon gebucht haaten, soss wier et wuel neischt mie gin, di nächst Deeg sen all „sold-out“.
D’Iwerfaart mam Scheff dauert nemmen pur Minutten.
D’Insel selwer as ganz impressionnant, bessen onheemlich irgendwie. Mir kreien en Audio – Tour, jiddereen seng Kopfhörer, wou een gesoot krut, géi lo dohin, kuck daat, daat war do sou a sou …. an deelweis war et wie een Hörspill gemaach. Immens interessant, an et huet een sech gefillt wie an engem Film. Krut een schon mol Hengerhaut, wann een virun sou enger Zell stung, an dann huet een am Ouer héieren wie rumms di Dir zougezunn gouf!
Jiddefalls as et guer net langweilig, an et as Mettig wie mir um Scheff fir zreck waren.
Durno kaafen mir eis en 3-Dages-Billjee fir mat sämtlichen öffentlich Transportmettelen kennen ze fuhren, déi kasten nemmen 18 Dollar op de Kapp, an souwuel S-/U-Bahn sen mat dran wie och d’Cable Car !!! Daat as een Spaass mat denen!!! Biergop an biergoof … an da stuckelt et …… hihi!
Mir waren rop an d’Staad op de Union Square, wou vill gaaaaanz deier Geschäfter sen, mee och Bloomingdale’s, Macy’s an virun allem den Apple Store!
Owes eessen mir am Lou’s Blues Restaurant mat Live Jazz/Rock-Musik.

Donnischdig, 27.8

Mir sen fréih op, zéihen d’Better oof, botzen nom lesten Notzen nach d’Dusch an d’Buedzemmer.
Da fuhren mir op San Francisco, tanken nach voll, fellen de Gas op, an gin durno an den Denny’s Kaffi drenken. Em halwer 11 solle mir spéitstens bäi Roadbear sen, fir de Camper oofzegin, soss fiert keen Shuttle eis méi an d’Staad ran. As direkt engt Meedchen do waat de Camper oofhelt, op keng Téitsch, keen Schued oder waat och emmer drun as, a mir man d’Discher, d’Bettwäsch an d’Kessen an di entspreechend Container. Alles klappt ganz zügig, mir hun och neischt nozebezuelen, also as de Camper an der Rei.
Zesummen mat enger belscher Famill gi mir an d’Staad bäi eis Hotelen gefouert. Mir hun eng ganz léif Chauffeuse, di wuel stolz op hir Staad as, well sie mecht en klengen Emwee, datt mir als éischt eng voll Vue op d’Skyline vun San Francisco an d’Golden Gate Breck kreien. Durno fuhren mir iwert d’Oakland Bay Bridge an den Zentrum.
Eisen Hotel as den Holiday Inn Express. En läit immens gutt, zwou Querstroossen vum Fisherman’s Wharf.
Do gin mir och direkt en Tour spazéieren, bis op de berühmten Pier 39. Deen as voller klenger Geschäfter, Restaurant’n, Café’en …. an iwerall Vue op d’Bucht vun SF.
Op enger Abberzuel holzenen Plattformen di um Waasser schwammen, leien honnerten vun „Seals“ – denen Seeléiwen di de Bootsbesetzer d’Liewen schwéier man, mee fir d’Touristen eng Attraktioun sen. Mir kucken deem Schaulspill eng ganz Zäitchen no!
Da gin mir an den Hard Rock Café, direkt nirwendrun, eessen.

Mettwoch, 26.8

Nees ouni Bär geschloof! 😉
Mir man eis op de Wee Richtung San Francisco.
D’Campingplaatz as zu Oakland, ganz rouig, nach zimmlich héich an an engem klengen Besch.
Zwar Full Hoop-up mee keen Wireless! Also nach emmer keng Mailen an keen Blog!
Mir fänken un mat Posche paaken a Camper raumen. As méi wie een mengt an denen klengen Schief!! As baal Owend wie mir färdeg waren. Du war och d’Feier gutt, a mir hun alles gegrillt waat mir an der Truh an am Frigo nach fond hun (also baal alles)
Durno suutzen mir nach eng leste Kéier bäim Lagerfeier, an hun eis lest Fläsch kalifornischen Wäin genoss!

Be Bear Aware :)

Samsdig, 22. 8

No enger entgéint allen Erwaardungen rouiger Nuecht fuhren mir nom Kaffi um Parking a Richtung Yosemite Park.

Vun der Emgéigend hir as net schrecklich vill lass, et geet riicht aus, an heinsdo kommen sou richtig Windhosen, wou een muss oppassen de Camper op der Strooss ze behaalen!

Mir dréihen een Tierchen op engem Ghost Town, deen awer keen war. Do stungen pur aal Ruinen, gebaut, neischt waat mir lo als „aal“ empfannen!

D’Landschaft get awer lues a lues mi greng, an mir lossen di Wüst ronderem Las Vegas lues awer secher hannert eis.

Da kommen mir op Tom’S Place, eng kleng Uertschaft mat nemmen pur Haiser, di awer schengt bekannt ze sen ennert de Fescher. Do get et och eng Art Saloon, wou souwuel Einheimischer wie och Touristen sech ophaalen. Et as ganz urig dobannen, vill Krempel a Krimskrams un all fräiem Zentimeter Mauer. Mir eessen en leckeren Hamburger do a fuhren da weider bis op den June Lake, wou mir um Oh Ridge Campground eng Plaatz reservéiert hun.

Den Lake selwer as en herrlich bloen See, mat Bierger am Hannergrond. Erennert un d’Alpen!

Eis Plaatz as och flott, relativ leng a rouig, mat engem Schaaf fir d’Eesssachen anzespären wéint de Bären! Di eng Noper sen eeler „Fisherman’s Friends“, wie mir se genannt hun, an op der aner Säit sen op 3 Plaatzen nirwteneen 3 amerikanisch Familljen mat op d’manst enger Dozen Kanner.

Mir setzen nom Eessen nach eng laang Zäitchen alle 5 bäieneen bäim Lagerfeier a schwätzen a laachen mateneen. Einfach herrlich!

Mir gin awer schloofen wie et ungefaang huet mat dreppsen!

Sonndig, 23.8

Et huet d’ganz Nuecht gereent, an de Moien gesäit et och nach net aus wie wann et ging ophaalen! Mir drenken fir di éischte Kéier an der Vakanz heibannen Kaffi. Durno doen mir eis waarm un, a fuhren op Bodie, an eng richtig Ghost Town, wou et geboomt huet wéi fir d’éischt Gold fond gouf, déi Zäit war et eng vun de gréissten Stied a Kalifornien. Anscheinend gouf nach bis 1940 do geschafft, mee de gréissten Deel vun der Staad, waat nach do steet, as wiirklich uraal.
Do gesäit een nach ennert anerem d’Schoul vu fréiher, d’Kiirch, den Saloon, de Pompjeesbau, de Prisong, Wunnhaiser wou deels alles sou zreckgeloss gouf wie et war. Et as schon irgendwie onheemlich wann ausser den Touristen keen Liewen mie do as. Leider huet et awer weider gereent, an et war schrecklich kaal, emmerhin as et op 8000 Fouss Héicht, daat deen gespenstigen Feeling wou di dir Äst an der Hötzt iwert d’Stroos rullen gefeelt huet.
Durno sen mir nees en Steck roof gefuer, bis op de Mono Lake. Daat wier vun de Fotoen hir eng Rausfuederung gin, falls d’Wieder an de Stand vun der Sonn grad matspillen. Tatsächlich huet et opgehaal mat reenen
Déi Tufas sen skulpturartig Kalziumkarbonatformatiounen a koumen durch Ooflagerungen vun Quellfless, déi ropgedreckt hun, Iwert Joerdausenden sen se gewues, an dodurch datt Los Angeles vill Waasser vun deem Séi oofzitt, zevill, sen di Tuffsteng deels fräigeluecht gin.
Lo gouf daat Ganzt en Naturreservat, an et kann een iwert Holzwéer iwert een Deel vum Sumpf goen, baal bis bäi di Steng. Anscheinend gesäit daat Owes super aus, wann d’Sonn ennergeet, mir waren awer lo schon frou datt d’Sonn sech fir eis iwerhaapt mol am Nomettig durchgesaat haat.

Mir man eis e klengen Snack um Parking, fir den klengen Honger, a fuhren da weider bis op eisen Camping, deen direkt um June Lake läit. Mettlerweil as d Sonn ganz raus, an eis 3 Jongen gin schwammen, trotzdem d’Waasser alles anischt wie waarm as. Et as net ze gleewen, mee mir sen Sonndes Mettes, matzen am August, quasi leng un engem herrlich Séi. Zwou Koppelen paddelen mat hire Booter doremmer, an ganz um aneren Enn setzt een ze feschen! Fir de Rest as daat schon baal kitschigt Bild vum Séi an der Sonn mat Bierger hannendrun leng fir eis!

Lo hun mir gees a gespullt, an sen färdeg fir an d Bett, well et einfach ze kaal dobaussen gin as. (halwer 9)!! Ah jo, ausser eis as nemmen nach 1 (eng) Plaatz den Owend an eisem Deer-Loop besaat! Mir leien quasi leng an der Natur, mat 2379846 Squirrelen! (A-Hörnchen & B-Hörnchen) Gester Owend war anscheinend en Deer (Réi oder Hirsch?!) hei, mee den Noper haat en just gesinn!
En Bär hun mir nach net gesinn – mee de Yosemite kent jo richt mär! 😉

Méindeg, 24.8

A mir sen am Yosemite!
Kent een sech bessen vir wie an der Schwäiz oder an Éisterräich. Héich Bierger, gaaaanz héich Bierger, iwerall Séen, a Baachen, vill Besch, ze soen nemmen Dennen.

D’éischt hate mir awer nach en Fotoshooting-Stop bäim Mono Lake gemaach. D’Wieder war herrlich, d’Sonn huet geschengt, an den Himmel war blo.

Durno sen mir an de Yosemite gefuer. Et gung alt mie héich, bis op baal 10000 Fouss héich. Ennerwee waren immens schéin Vue’en ze gesinn.

Eisen Camper huet béis gekeimt fir bis uewenaus, an och roof gung et nemmen lues an Serpentinen, an emmer nees war eppes ze kucken.

Bäim Sequoia-Park hun mir en Halt gemaach, eppes klenges gepicknickt, an du sen mir en klengen Trail spazéieren gaang, bis bäi di richtig Mammutbeem. Een as d’lest Joer emgefall, an läit a senger ganzer Pracht am Naturpark. An deen wou den Tunnel dodurch geet, as no uewen hin verbrannt. Et sen schon impressionnant Riesen! Déi di do stin, sen gréisstendeels och schon riesig, mee nach net grad sou deck. Trotzdem et August as, d’Amerikaner och Vakanz hun, a gutt Wieder as (zwar keen Weekend méi) sen net allzevill Leit ennerwee. An et as och bäi wäitem net mie sou waarm wie op denen Plaatzen virdrun, gutt 24° C werten et sen, an eng kleng Leftchen. Also herrlicht Wieder fir ze treppelen.
Et as en schéinen Tour durch de Besch.
Durno fuhren mir gemittlich op d’Campingplaatz Upper Pines. Daat as awer nu den hellen Wahn! Wie eng Staad!! Do geet et op zwou Bunnen op de Camping ran! De Camping as riesig, an a pur Plaatzen agedeelt … Upper Pines, Lower Pines, North Pines ….. wéivill Plaatzen lo iwerall sen, a net ze soen. De Camping u sech läit teschend 3 Säiten Riesenfielsen, an alles ennert gaaanz héichen Dänne/Pinienähnlichen Beem. Et schaalt alles ganz komisch. Wann een an d’Hänn klappt, kléngt et baal wie an enger riesiger Kiirch. Bäi all Plaatz stinn nees Metallkesten wou een (zumols déi an den Zelter), hir Eesssaachen sollen aspären, wéint de Bären. Der schengt et wiirklich massig hei ze gin. Ging jo nawell gär een gesinn, sou vu wäitem, mee den Owend wou mir lo hei bäim Lagerfeier suutzen (bis 9 Auer) war et schon onheemlich! Et get jo direkt stachdaischter hei, an bis op di aner Lagerfeier, oder mol di eng oder aner Luucht gesäit een neischt iwert dem Buedem! Wann een an d Luucht kuckt, gesäit een teschend de Beem nach bessen Himmel, deen nach net ganz daischter war.
Wann dann een Auto oder Camper kent, an di Luuchten strahlen teschend de Beem, mengt een et misst een sou een Koloss gesinn do kommen!!! 😉

Jiddefalls hu mir nom Eessen diiiiirekt alles geraumt, gespullt, an den Dreck an speziell bärensecher Drecksbacken gedroen! Et weess een jo nie! Muss jo net grad bäi eis een sech Appetitt huele kommen :-))))

A lo hoffen mir op eng rouig Hennt!
An datt mir mär irgendwou nees Internet fannen, datt eise Blog à jour gesaat ka gin, an vläicht eng oder di aner Mail raus kann goen. Daat as hei an der Géigend net evident. Mee et as herrlich, Natur pur! Daat kennen mir jo guer net mie, daat stachdaischtert nuets, a weder Internet nach Telefon. Just en wahnsinns Stärenhimmel!

Densdig 25.8

Keng Bären an der Nuecht!
Mir drenken gutt Kaffi op eiser Campingsplaatz, di éischt Noper sen schon fort.
Hei get immens vill Sport gemaach. Velo, Paddelboot, Walken an virun allem Klammen sen deck ugesoot. Hei schengt och eng zentraal Plaatz ze sen fir Amerikaner an hir Vakanz. Ganz vill hun sech der hei mat Zelter an Camper installéiert. Den Eric haat sech leider gester Owend bäim American Football d’Zéiw verstaucht, , an as bäim Camper an dem Medicus bliwen, a mir véier hun en Trail gemaach bäi en Waasserfall, de Vernal Fall. Daat gung nemmen biergop (klaro, hen fällt jo och vun uewen roof!) d’éischt iwert Betonswéer lanst d’Fielsen, bis bäi eng Breck, waat di éischt Etapp schon war fir verschidde Leit, déi hir Féiss do an d’Waasser zappen. Et geet weider iwert Sand a Steng, schéin eng Säit lanst de Fiels, di aner Säit d’Baach di hiren Wee lanst an iwert d’Steng sicht, emmer biergop. Irgendwann kommen Traapen, onregelméisseg an der Natur iwerloss, an et kritt een schon en herrliche Bleck op den éischten Waasserfall. Well och nach schéint Wieder as, kreien mir och nach een Reebou gebueden! De Wee geet weider rop, ganz uewen wou de Wasserfall „fällt“ geseit een ganz kleng d’Leit di bis rop gaangen sen! Daat Ganzt vun uewen as bestemmt och en fantastischt Bild! Also d’Been an de Grapp a lass, virun rop, d’Traapen gin alt mie krakselich a mie enk, an zum Schluss as souguer een Gelänner fir di lest Meteren. Uewen steet een dann op emol virun engem klengen Séi mat kristallkloerem Waasser. Vun uewen kent nach Waasser relativ flaach iwert d’Fielsen, wou mir och Schon an Stremp ausdoen, an d’Féiss an daat gutt killt Waasser strecken! E Genoss!
Et kent een nach weider rop goen, bis bäi den ierwechten Waasserfall, mee daat as eis awer ze wäit. Mir sen schon Stonnen ennerwee, wéi laang wesse mir net, well mir keng Auer hun! 😉 A mir mussen deen Wee jo och nees roof, well néierens däitlich en Scheld steet, wou den Trail hingeet, an de Risiko fir lo nach 10 oder méi Meilen mussen ze goen, welle mir lo net agoen.
Wéi mir endlich nees ennen waren, haate mir et ferm an de Knéien -) As een neischt mie gewinnt!!
Zreck um Camping hu mir festgestallt datt mir 4 Stonnen ennerwee waren!
Du hu mir alles agepaak, an sen mam Camper op de Glacier Point gefuer, waat deen schéinsten Aussichtspunkt soll sen. Effektiv gesäit een vun do op den Half Dome, een Bierg wou een och en Trail rop kan man, wann een sportlich top drop as, an och op di zwee Waasserfäll, an ennen am Dall gesäit een de Camping wou mir waren. War den Emwee an di Stonne schlecht Stroossen biergop derwert.
Nom Kucken gung et nees di aner Säit roof, bis op den Wawona Camground, den mir fir déi Nuecht gebucht haaten. Hei as eis Plaatz och immens flott, relativ grouss, an hannendrun just Beem an eng schéin grouss Baach, mat decken Steng dran, wou d’Bouwen mat pakigen Féiss konnten ronderem klooteren.

Viva Las Vegas !

Densdig 18.8 – Freideg 21.8

(hu mir lo missten nokucken, well mir hun weder eng richtig Auer nach Zäitgefill. a wann een eng Auer éierens gesäit (waat selen de Fall hei as) as och nach dachs eng Stonn mie oder manner, well mir grad iwert eng Staatsgrenz gefuer sen ….)

VIVA LAS VEGAS …….

di Staad as einfach gigantisch! Sech alles riesig virstellen, dann mat 10 multiplizéieren, da kent et vläicht hin!! D’Staad u sech as alles anischt wie schéin, mee di eenzel Anlagen vun den Hotel sen den hellen Wahn! De Moment sen immens vill Baustellen hei , souwuel ganz Stroossen di opgerappt sen, wie och Gebeier, di am Oofrappen, oder am Opbau sen.
Mee den Androck mat all deenen enormen Gebeier an denen villen Luuchten bleiwt trotzdem!

Mir hun pur vun denen mega Hotelen vun bannen gesinn, daat kann een sech net sou virstellen! Do sen komplett Stied an quasi engem Gebei!!
Eisen Hotel, den „The Orleans“ haat schon leng als Parking schon mind. 3x deen vun der Belle Etoile ronderem!! (Dikkrich kann nemmen dovun dreemen, hihi) Oofgesinn datt een als éischt emmer an d’Spillhellen kent wou dausenden an dausenden eenaarmig Banditen stinn, nirwt nach x Pokerdescher asw, get et Baren an Restaurant’en ennenan, dann um éischten Stack en LunaPark, 18 (!) Kinossäll, an 70 ( jo siwenzesch) Bowling-Bunnen nirwteneen!!!

Vun denen ganz berühmten waren mir an den Venetian – daat as den absolutten Hummer! Do kent een sech fir wie zu Vendig. Baussen as schon eng Art Markusplaatz, mat Rialto Breck an Gondelen am Waasser. a bannenan geet et ähnlich weider. De Canale Grande zitt sech durch d Gebei, mat engem Plafang wie en Himmel kuurz virun Sonnenennergaang. Ronderem sen d’Geschäfter an d Hotelen wie op der Markusplaatz, Gondolierien sangen, di net grad mat de Gondelen hin an hir fuhren mat Leit gin durch d’Gäng sangen. D’Entree vum Hotel as an engem onvirstellbaren Prunk! Mat Fresken am Gold um Plafang, Statuen ronderem, genial!

Am MGM as en Gehege fir den Léiw, d’Wahrzeechen vun der Filmfirma , bannenan nirwt der Entree, alles hannert Glas.

Den Treasure island huet d’Entree wie eng Insel! Et geet een iwert eng helzen Breck iwert d’Waasser, rechts a lenks en Piratescheff, iwerall Palmen a Fielsen …. an all annerhallef Stonn as owes do eng Liveshow mat enger Pirateschluecht, opgebaut wie en Musical, en Scheff mat Fraen, an eent mat Männer, natirlich alles genial gemaach, mat Musik an Special Effects wie Kanouneschess, Waasserfontänen, richtigem Feier, an daat Ganzt souguer ouni Entree, einfach fir déi Leit di grad do ronderem sen!

De Ceasar’s Palace as och net ze beschreiwen, Prunk pur! Alles am réimischen Stil, mat Sailen an Spangbir.

An donirwt, de Bellagio, do waren mir net ran, mee deen huet een klengen Séi virun der Entree an engem schéin ugeluechten Park, deen een awer gutt vun der Strooss gesäit, an do ass eng Waasseruergel, déi all hallef Stonn oder sou geet. Am Daach as et schon schéin, mee mir waren do wie et daischter war, an op d Musik vun „Viva Las Vegas“ sen do genial Waassserfontänen an d’Luucht gaang.

Och Gebeier waat „nemmen“ Geschäfter waren, haaten meest hiren Stil, oder een Thema. Natirlich alles riesig, grouss kennen sie net! Et as alles enorm!

Leider haate mir temperaturméisseg di waarmsten Zäit geroden, an um Fernseh huet den Weather Channel Hetzewarnungen rausgin. Et war iwer 40 ° C, de Rekord luch hett bäi 109 ° F. Iwerall stinn Leit mat Killtäschen „cold water“ …. „ice cold water“ …. „only one dollar“ ze verkaafen, an un de Verkaafsstänn op de Stroossen, oder iwert den Agäng vun Geschäfter hun se sou eng Art Sprinkelanlaagen installéiert, wou sou gaanz rengen Fiesemreen rauskent fir d’Leit oofzekillen.
An awer as et net fir Kilometeren zu Fouss ze goen. Dobaussen packt een et net vun Hetzt mir sen deen een Daach de Strip (Las Vegas Blvd) een Deel rop gaang, vun do wou den Shuttle vum Hotel den Stop mecht, deen aneren Daach den Strip roof mee mir hun nach laang net alles gesinn.

An da get et nach hir Gesetzer, di net iwerall d’selwicht sen! Op der enger Plaatz kritt den Eric keen Béier well hen keng 21 as,(Waffen dierft en awer wuel kaafen!) net mol wou mir derbäi sen, hei laafen „kleng“ Jongen mat de Béierfläschen iwert d’Strooss!
An engem Casino as den fetten (big) Elvis opgetrueden, mir hun en passant gekuckt, stungen ee Moment do, du koum schon en Schaaf vun engem schwaarzen Oppasser den Tom an den Yann rausbegleeden, et dirwt een néierens stoen bleiwen, just um Teppich ouni Muster, teschend Linnen, därf een zügig durchgoen!!
Virun der Dir stinn op Schratt an Tratt awer dann nees Tonnen Typen mat Kärtercher vun Fraleit mat Telnummer drop, di souguer engem Tom sou eppes wellen an d’Hand drecken!!
Irgendwie huet hir Moral duebelen Buedem!!!

Mir hun awer fond datt 3 Deeg dur gin, di Hetzt, den Kaméidi, iwerall hart Musik, op de Stroossen, an de Restaurant’en, bäi der Schwemm, an egal wou een ran geet, Luuchten Luuchten an nach emol Luuchten, nirwt dem dauernden Bing Bing Bing vun all deenen Spiller …… op emol freet een sech op den nächsten Camping ouni neischt! 😉

An deen hu mir de Moment hei irgendwou an der Pampa!
Eis Route gung de Moien lanst den Death Valley, an do as wiirklich ronderem nemmen quasi Wüst! Net vill Uertschaften, an en Highway deen alt iwer 30 Meilen just riichtaus gung!

Mir sen schon een gudden Deel Richtung June Lake gefuer, an hun keen RV Park gebucht gehaat. Wollte kucken wie wäit mir kiemen. Mee daat as jo net sou einfach, lanst een ze fuhren deen net schéin as, an dann ze soen, kucke mir mol den nächsten, well mat bessen Pech kent mol 100 Meilen einfach guer neischt! Also se mir lo einfach an enger klenger Uertschaft bäi den eenzichen gefuer deen do war, an daat as hannert engem klengen Casino, engem Hotel, engem Supermarché op engem Parking!!! Zwar mat Vull-Hook-Up, mee daat as awer och alles!!! Hannerun eis geet eng kleng Strooss an eng Wunncité, an virun eis sen d’Quai’en wou secher mär de moien em 5 Auer d’Camion’en liwweren kommen! Baal zäitgläich mat eis as eng eeler Koppel nirwt eis bäigefuer, an d’Mme huet och alt gemengt, „I love these beautiful flowers all around“ …. hehe, hei gesäit een nämlich nemmen Beton!! Mir hun schon de Geck gemaach datt mir desen als onbedingt empfehlenswert an de Forum setzen! 😉

Mee hei get souwiesou lo nemmen geschloof, an mär geet et a Richtung June Lake a Mono Lake, do as et bestemmt nees mie flott.

Bryce Canyon !

Méindeg, 17.8

De Moien huele mir een vun den éischten Shuttle-Busser fir an de Bryce Canyon Naturpark ze fuhren. Et as eng Art Hop-on-hop-off, deen vun engem Sightseeing-Punkt op den nächsten fiert, mee et kann een och doteschend di verschidden Trailen zu Fouss man.
Et as bestemmt komisch ze liesen, wann een schreiwt, super, immens, herrlich, mee et as tatsächlich sou. An emmer nach as irgendeppes ze toppen. Mee bis lo as den Bryce eisen absolutten Favoritt! Eng total aner Welt. Die Figuren an Tiirmercher, di d’Natur do „geschnitzt“ huet, an di Faarwen, vu roud – corall – orange iwer brong-beige, setzen der Fantasie keng Grenzen! Vu uewen gesäit et aus wie eng Miniaturlandschaft, a wann een dodurch treppelt, mierkt een wie riesig daat alles am Fong as!
Et as hett och net mie grad sou waarm, a mir sen relativ fréih un, sou datt desen Tour gutt ze packen as.

Durno gi mir an den Ruby’s Inn eppes eessen, ( deen schengt fréiher een Cowboy hei gewiest ze sen, deen em 1900 alles opgebaut huet. op verschidde Plakater heescht en och Ebenizer, d’Bild ass emmer d’selwicht) an de Restaurant as nirwt dem Ruby’s Motel, an dem Ruby’s General Store, dem Ruby‘ Giftshop an dem Ruby’s PostOffice ….. 😉
Durno hu mir eis et um Ruby’s Campground bessen relax gemaach. D Jongen waren schwammen, a mir hun gelies.

Lo setzen mir grad hei bäi Kärzen an engem Lagerfeier, enger Fläsch Wäin an engem Buch! Life is wonderful – isnt’t it !?!

A mär geet et a Richtung ……. Las Vegas!

Sonndig, 16.8

Fréi op – kee Problem, mir waren jo schon em halwer 9 am Bett – Kaffi – araumen – an och schon ennerwee an den BRYCE CANYON.

Et as eng relativ laang, an eng relativ „normal“ Streck bis bäi den Red Canyon, am Dixie Park. D’Fielsen sen op emol richtig roud, an d’Stross geet zweemol durch een klengen Tunnel (éischter Bou‘) matzen durch een Fiels. Daat as och just op enger klenger Streck sou. Di Natur as schon eegenwellig.

Da geet et weider a Richtung Ruby’s Campground am Bryce Canyon. Eis Plaatz as ennert enger Art Pinienbeem, net ellen, mee net sou „leng“ wie schon op aner Plaatzen. D’huet een d’Noper direkt virun Aen. 😉 As awer net weider schlemm, well mir gin vu Keelt nees fréih schloofen. D’Temperaturen faalen och hei Nuets bis op 2 °C !

Grand Canyon

Samsdeg, 15.8

De Moien waren mir fréih op, em halwer 7.
Hett gung et an de Grand Canyon, an daat as zimmlich eng Streck gewiest.
Mir hun de Kaffi am Denny’s gedronk, sou richtig mat Omelett a Bacon, French Toast an Pancakes. Domat kommen mir iwert den Daach, bis mir um Camping um Grand Canyon sen.
Ennerwee man mir Statioun um Horse-shoe Bend. Mir gin e Steckelchen iwer Steng a Sand ,ganz liicht biergop an biergoof, bis op emol virun engem d’Landschaft brecht an een eng déif Schlucht gesäit. Daat as schon eng mega Aféierung op den Grand Canyon. Hei schlängelt sech ganz déif ennen de grengen Floss durch d’Fielsen. E Wahnsinns-Ubleck!
Eng zweet Statioun ennerwee as d Navajo-Bridge, déi am Fong de Floss an domat den Indianer Territoire oofgrenzt! D’Breck as relativ héich fir eis Verhältnisser mee lo architektonisch neischt Emwerfendes.
Dretten Stop war matzen op der Streck, do luch en decken Koup Riesen-Steng, awer sou komisch openeen, datt een sech freet wie daat iwerhaapt méiglech as datt se leie bleiwen. Doteschend gesäit een op emol eng Art kleng Hütten, wou fréiher emol Siedler mussen iwergangsweis geliewt hun. An an denen Haisercher setzen Indianerinnen hir Bijoux’en ze verkaafen. Do kann een natirlich net lanst goen :-))))
Da geet et nees Meilen a Meilen durch Niemandsland, d’éischt quasi riicht, wou een keen Enn vum Highway gesäit, an dann lues a lues biergop, bis op 8500 Fouss! D’Landschaft verännert sech permanent! Vu stengeger groer Stengwüst get et hannert enger Kéier op emol greng, da kent Dännebesch, an durno leider een riesigen Territoire waat alles verbrannt war, mee wuel schon d lest Joer, well de Buedem as schéin greng an et schéissen nei Planzen. Et kommen Biirken, an op emol mengt een et wier een an der Schwäiz! Riesig greng Wiesen, am Hannergrond Dännebesch, kleng Weiheren, Schelder mat Wildwechsel ….
An dann as een och schon am Grand Canyon State Park. Eise Camping läit och an engem Dännebesch, mee direkt um Grand Canyon. vu eiser Plaatz aus gesinn mir teschend den Beem direkt op de Canyon. Mee deen richtig vollen Bleck huet een richt wann een e klengen Trail mecht vun 2 km. Deen as baal wie bäi eis doheem wann een durch de Besch treppelt., awer nemmen bis bäi en Gebäi, waat vu baussen bessen wie Burg ausgesäit, an daat läit voll uewen um Wupp, wou een direkt roof an de Canyon gesäit. Do as och eng Plattform mat Gelänner, wou een quasi „driwer“ kann stoen. Do gesäit een an engem Bleck waat d’Natur färdeg brengt.
D’Burg as en Hotel mat Restaurant, Geschäfter, Saloon …. an fantastischen Terrassen, wou een einfach sou, deels an massiven helzenen Schaukelstill kann setzen an einfach nemmen genéissen No engem Patt am Saloon, wou mir mat de Kanner awer net um Comptoir därfen setzen, mee un en Desch mussen (an den Eric krut keen Corona, net enner 21 an net ouni Pass, an och net mat den Elteren dobäi) hu mir eis op den Reckwee gemaach.
Mir hun eis eppes gekacht, dobaussen gees, an relax op den Sonnenennergaang gewart. Deen as hei schon géint 7 Auer.
Dofir konnte mir vun eiser Plaatz aus en klengt Steck goen, bis op en decken Fiels, deen vun engem aneren minimal mie héichen oofgesechert war. Sou konnte mir ongeféierlech, an awer aus der éischter Rei den Sonnenennergang am Grand Canyon kucken. Du war et schon net mie waarm, mee lo, em 8 as et schon zappenduuster an äiskaal! Di ischte kéier datt mir iwerhaapt Plover oder Jakett, oder besser Plover a Jakett unhun! Fir Hennt sen nemmen 2 ° C gemeld, daat as net ganz vill! De Moien em 9 haate mir um Lake Powell schon 28 ° C!!! Also en Wahnsinnsennerscheed, souwuel an der Héicht wie an den Temperaturen.

Also besser ennert den Diwi!

Freideg, 14.8

Hett man mir en Latzdaach um Lake Powell.
Et as deck waarm, a mir treppelen bis roof bäi de Séi. Do as en Strand, mat Bleck op de Yachthafen, an am Hannergrond Fielsen. Erstaunlicherweis sen baal keng Leit do! Mir liesen bessen an der Sonn, a gin eis dann an d’Waasser oofkillen. Et as herrlich, guer net kaal.
De Rest vum Nomettig verbrengen mir bäi eisem Camper, an mir hun eis ‚eischt Wäsch an engem Waschsalon gemaach. Et war net wäit wech, an d’Zäit wie laang d’Maschinn leeft gouf ugewiesen, sou datt een doteschend emmer konnt zreck bäi d’Buch an eppes ze drenken setzen goen :-))
Gekacht – gees – alles färdeg ageraumt fir Moies, an fréih schloofen!

Mailserver down

Salut
Wollten ierch just Bescheed soen, daat mer Pobleemer mat eisem Mailserver hei hun, sou daat weder Mailen ran bzw. raus kommen. Hoffen den Probleem ass seier geleist.
Eric

Lake Powell & Antelope Canyon

Donnischdig, 13.8

Duurch eis wäit Faahrt gester se mir de Moien nemmen 5 Minutte vum Antelope Canyon wech, deen mir fir hett um Programm hun fir kucken ze goen. Do soll een am besten hin, wann d’Sonn héich steet, datt d’Liicht vun uewen ran fällt.
Mir fuhren op de Parking an ……. d’Welt as en Duerf …. Bett-en-duerf, Bett-en-duerf… Bett-en-duerf ……. wen parkt di selwicht Minutt direkt nirwt eis ?? Di aner Bettenduerfer!! (Mike, Betty, Pol, Tessy) .Wann een daat mist färdeg brengen, ging et net klappen! ☺ Mir schwätzen kuurz mateneen, man eng Zäit fir owes oof wou sie bäi eis kommen fir ze grillen, an man eis dann op de Wee an d’Höhlen.

Mir bezuelen eisen Entrée, as relativ vill waat d’Indianer froen, mee et as absolutt dowert! Vu baussen gesäit een net vill! Gestengsschichten, di komisch iwerteneen päschen, teschend Sand an Gestrüpp. Lues a lues geet et emmer mie déif an de Buedem ran, deels iwert kleng Traapen, deels teschend Fielsen am Sand, sou schmuel date en just een Fouss opgesaat kritt. Deels as et no uewen op, datt een den Himmel gesäit, deels sen et bizarr geformten Höhlen. Souwuel d’Formen vun den Steng wie och d’Faarw (gesäit gesträift aus) waat deels durch de Schleff , deels durch d Liicht waat drop fällt irgendwie emmer anischt ausgesäit. Deen Tri vun denen honnerten Fotoen get nach spannend 😉
Et muss een einfach do dran gewiest sen.

Mir fuhren iwert d’Staumauer vum Lake Powell an den Naturpark, wou eis Campingplaatz fir di nächst zwou Nuechten as. Nodems mir eis installéiert hun, zitt den Himmel sech hannert dem Séi zou, an mir gesinn schon di éischt herrlich Bletzer! Mir haaten nach gehofft et ging lanst zéihen, mee op emol koum sou eng Loft op, datt mir alles fir den Aperitif nees rangedroen hun. Eise Besuch war och nach net do, mee mir haaten iwerhaapt net mat kritt datt mir hei schon am Utah sen, an do d’Aueren eng Stonn no gin 😉 . U sech war daat du och tiptop, well an der Zäit war d’Wieder iwer de Séi lanst gezunn, an mir kruten en herrlicht Faarwespill mat Sonn, däischteren Wolliken a Reenbou iwert dem Séi ze knippsen!
Durno hu mir gegrillt, an et war en gemittlichen Owend gin ennert engem kloeren Stärenhimmel.

Keep on ROCKing !

Mettwoch, 12.8

Nach emol genéissen mir eis Plaatz bäim Kaffidrenken, well mir mengen net datt déi, op d’manst vun der Plaatz u sech nach ze toppen as!
Da starte mir a Richtung Monument Valley.
Mir dumpen an kaafen nach Brout, Waasser a Béier, (tje daat néidegst eben 🙂 )
No 188 Meilen gesinn mir di 3 mega Fielsbrocken, di an souvillen Wester emmer ze gesinn waren. Sie sen nach vill mie grouss wie een sech se virgestallt haat!
Mir hu Fotoen gemaach, wou mir op engem Fielsbrocken virdrun stinn, an et mengt een baal di Biller wieren gestallt! Um Empire State Building, huet een irgendwou an der Schlaang sech an engem Eck missten virun engem Bild vun New York vun uewen drapéieren, wou een durno wie zu Brühl op der Wildwaasserbahn d Foto konnt kaafen. Daat hei huet bessen dorun erennert, just ET AS ECHT !!! Dodurch daat Wolliken um Himmel waren, di mol deen een, mol deen aneren Fiels méi oder manner beliicht hun, an mir, di vill mie wäit virdrun, an och nach op engem decken Steen stungen, gouf daat een ganz speziellt Bild!
Op enger Terrass vun engem neien Hotel, wou bis viru kuurzem DEEN Camping fir RV’en war, hu mir nach eppes gedronk, wie daat Ganzt bessen op eis awierken ze lossen. Durno wollte mir eis op de Wee man, an der Géigend eng Plaatz fir d Nuecht ze fannen. Hei gouf et zwar een Auswäichparking fir CampingCar’en, mee daat war just en riichten Plateau voll an der praller Sonn, zwar mat Bleck op d Fielsen, mee mat kenger Gretz Schied, an ouni Stroum, wou een d Klima dann just kurz mat der Generatrice kent laafe lossen, an daat wollte mir eis bäi der dreckender Hötzt awer hett net undoen.
((Lo as et 11 Auer den owend, a mir setzen nach hei op engem RV Park virum Camper, an et huet nach keng Gretz oofgekillt!))
Mir hun eis also opgemaach an Richtung Page, huelen di éischte Kéier an engem Stau, wéint Stroossenarbichten. War awer net sou schlemm wie gefaart, mir koumen nach engegermoossen gutt dodurch, am Verglach zum Géigenverkéier.
Meeeeee mir waren hei voll am Navajo-Indianer-Gebitt, an teschend dem Monument Valley an Page gouf et guer neischt! Wiirklich guer neischt, weder eng Tankstell, nach en Hotel, keen Restaurant, keen Geschäft! Kennen mir eis baal net virstellen. 120 Meilen NEISCHT! Just en Highway durch d Natur!
Tjo, an domat sen mir den Owend schon quasi zu Page, wou mir am Fong mär richt sollten ukommen. 🙂
War zwar haut vill Fuhres, mee domat kennen mir direkt mär den Antilope Canyon kucken goen.
A lo gin mir an d Heia – Nuecht ! :-))

Densdig, 11.8

Mir kennen nemme staunen iwert eis wonnerschéin Plaatz hei am Devil’s Garden! Kaffi schmaacht duebel gutt, zumols mir souwuel Sonn wie och Beem fir Schied hun, je no Bedarf 😉
Nom Breakfast gin mir en Trail iwert +- 8 km. Den Arches National Park as sou flott, kann een einfach net sou beschreiwen. Deelweis as et deck waarm, an eis vill Waasserfläschen sen séier eidel, mee den Tour durch Sand, iwer Steng, teschend Fielsen an iwert deelweis schmuel Graden iwert d’Fielsen muss een gemaach hun. Hoffentlich drecken d’Fotoen herno nach bessen vun denen Impressiounen aus.
Durno sen mir d’éischt mol platt! Midd, duuschterig , vun der Sonn matgeholl, mee do enger killer Dusch, an engem killen Patt geet et eis direkt nees gutt.
Mir setzen eis alle 5 mat engem Buch an eppes ze drenken an de Schied.
An do setzen mir bis et stachdaischter as, bäi engem Lagerfeier a pur Kärzen an bewonneren een fantastischen Stärenhimmel, mat en etlichen Stäreschnäitzen!

Méindeg, 10.8.

Kaffi wie bis lo nach emmer dobaussen, durno Raumen an alles Verstauen, an nach en vollen Hook-Up. Lo get et 3 Deeg keen frescht Waasser, an daat knaschtigt kann och net ooflaafen geloss gin. Stroum get et och keen am Arches Nationalpark.
Mir man eis op de Wee op den Devil’s Garden Campground.
Ennerwee fuhren mir nach den „Dead Horse Point“ kucken, d‘ iwerdimensional Saarschleife vum Colorado River, wie den Eric soot 😉
Daat as schon impressionnant, sou vun uewenroof op di Landschaft ze kucken, an wann een sech dann nach d Pärd virstellt, di uewen stinn, d’Waasser gesinn, an net dobäi kommen ……
Da geet et weider an den Arches.
Ennerwee staunen mir schon iwert di immens Fielsen, an et wees een op emol net mie waat een soll knippsen!
Mee et gouf nach besser, wie mir op de Campground selwer koumen. Do freet een sech waat Leit bäi eis op de Campingen eigentlich sichen!? Den éischten Deel Camping as den „first come – first served“-Deel. Do sen schon immens flott Plaatzen, sou teschend klengen Fielsen a Gestrüpp, mat Vue op de Valley, jiddereen mat eegener Grillplaatz an Desch mat Bänken! Den hennischten Deel as deen wou een kann reservéieren, an do haaten mir eng Plaatz kritt, well mir een bestemmten Daach mat 3 Computeren di selwicht Zäit enter gedreckt hun fir déi ze kreien, well des Plaatz an de Foren emmer als di schéinst genannt gouf.
A sie haaten net zevill versprach.
Mir grillen, an genéissen di absolutt Rou di op deem Camping as, an daat trotzdem en ausgebucht war.

Rocky Mountains an Great Sanddunes

8.8

Um halwer 7 goung et rem lass, dobaussen an der Sonn mat Vue op Rocky Mountains gouf du Kaffi gedronk. Duerno hun mer eist Scheff ferdeg gemach vir fort an deen eischten Dumping, wou alles perfekt geklappt huet.
Nodeems alles färdeg verstaut wär, hun mir eis Richtung Buckskin Joe gemach, waat eng all Western Stadt ass, wou enner annerem d‘ John Wayne Filmer gedreint goufen. Alles Originalgetreu mat Saloon, Blacksmith an Schéissereien ( Awer nemmen gespillt ;)) Außerdem ass do een Haus wou den Architekt zimlech voll wär, well alles schief ass :).No enger erfreschender Cola, hun mir eis du Richtung Campingground gemach, deen 150 Meilen weit fort leit an bäi den Sandünen läit Fir dohinner sin mer duerch Rocky Mountains gefuhr, waat een onbeschreiflechen Ubleck wär ! Hannert den Rockies sin mir dun op enger Stross gefuhr dei nemmen richtaus gangen ass, heiandsdo ass mol een Auto lanscht gefuhr oder eng Farm op der Seit gewiest.
Leider war, trotzdem mir fréih un waren, den Campground direkt un den Great Sanddunes schon besaat. Mir sen awer trotzdem bis vir bäi gefuer, an hun eis an de Sand gewoot. Wahnsinn, waat do regelrecht Bierger ugeweht gin sin. Deelweis as de Sand sou waarm, datt een net mat plakigen Féiss do kann goen. Trotzdem as eng fresch Loft, an de Sand pickt un de Been. Sand, Dünen ouni Mier, fir de Yann onverständlich!! 😉
No enger Zäitchen sen mir voll genuch mat Sand, an duuschterig, an man eis op de Reckmarsch … nee nee, ganz sou wäit waren mir net, mee et kann een sech gär verschätzen a sou enger Wüüst! 😉
Direkt um nächsten Camping hu mir Chance! Nach zwou fräi Plaatzen. Deen as och speziell gewiest, sou ganz leng ouni irgendeppes ronderem, no bäi engem Séi just vu wäit huet een d Sanddünen nach gesinn, an am Hannergrond D’Rocky Mountains. Mir hun d Fotoapparater prett gemaach, d’Stativ opgestallt fir e gutt Bild ze ergatteren.
An der Zäit hun d’Männer e Feier gemaach, nees op der eegener Grillplaatz fir ze grillen. Gees hu mir an eisem eegenen „Bushaischen“ – engem iwerdecktenen Desch mat zwou Bänken. et gouf awer nees sou séier däischter, datt mir bäi zwou Kärzen an enger Campingluucht gees hun. Richtig romantisch, mam Lagerfeier dobäi, an mir hun souguer een Wollef (oder Coyote?) héieren haulen. Wie am Film!
Wie et eis ze kaal gouf, sen mir schloofen gaang.

9.8

Nees herrlicht Wieder – Kaffi dobaussen
Alles secher verstaut (fillt een sech bessen wie d Stewardess, di den Tour mecht virum Start an d’Klappen all zou mecht) an „on the road again“ !
Haut as mie eng laang Etapp ugesoot, bis op DURANGO, enger aaler Westernstaad, mat klengen Haiser, alles am Cowboystil, mat Geschäfter an Restauranten.
Eisen Camping as net grad sou schéin wie déi virdrun, well hei een um aneren steet, mee en läit immens praktisch, huet Full Hook-up, an een Pendelbus deen all 20 Min teschend dem Camping an der Staad hin an hir fiert.D’Jungs gennen sech eng Oofkillung am Pool, an mir relaxen bessen, ir mir eis op de Wee an d
Staad man.

De Bus entpuppt sech als uraalt Gefier, mat Holzbänken ronderem! Bessen wie eng CableCar zu SF, mee mat enger Schness vun engem amerikanischen Schoulbus.

D’Staad selwer gefällt eis immens gutt, richtig gemittlich, keng Hektik, opschons vill Leit ennerwee waren.

Mir gin fir d ‚Eessen bäi en Mexikaner, wou mir eis et gutt goen lossen. Weder Tortillas mat Dip, nach d ‚Margarita hun gefeelt. Lecker! An super frendlich!

Durno treppelen mir nach emol op an oof, mee et as schon nees daischter, an mir gin bäi de Arret zrek wou och direkt den nächsten Bus kent.

A lo: chrrrrrrrrrr pitchi püüüüüüh ……….

First Video

Bei Videos fann dir lo eisen 1. Video, deen mer an enger westernstadt gefilmt hun :))